بقلم: حليمة أبو الفلاح
حكايتي كتهضر أو كتقول على الزمان
أو على الوقت البدال
بكري كانت النية وحسن الأعمال
أو دابة ولا الغش في كل مكان
اش هاذ الوقت البدال؟
فين الناس ديال زمان
آه يا سيادي كان يا ما كان كان في قديم الزمان
الإسلام شائع في كل مكان
أو كانت القلوب صافية أو عامرة بالإيمان
كانت الناس وجوهم كتنور أو كلامهم معقول
كانت الحكمة في الكلام كان الصدق والوفاء
والاخلاص في جميع المهن
عكس دابة اسيادي ولا غير الغش خدام في كل مكان
والرشوة كدور في جميع الميدان
والكذوب كاين في كل إنسان
أو لي باه وزير ولا عميل راه خدام.. في أحسن الأشغال
أو لي باه فقير مسكين على قد الحال
راه ولدو كيقلب أو يطلب أو يرغب..
أو إلى لقا شي خدمة متوسطة على قد الحال
اه يا سيادي فين هو الإسلام والناس ديال زمان
كانت الحشمة والتباتة والرزانة في لعيالات القدام
أو دابة ولاو البنات ما يحشمو أو لولاد خسرو
اهاذ الجيل سمعو أو فهموا
راحنا مسلمين باركة من تقليد الغربيين
على الأقل هما جتاهدو أو وصلوا
حتا نتوما فيقوا أو قراو أو بحثوا أو فهموا
راه الأمية كثراث أو بلادنا خسرات
فكروا في المستقبل أو متستسلموش راه المجتمع عليكم عوال
اش هاذ الوقت البدال فين سيادنا ديال زمان
كون بقاو سيادنا زمان لي عقولهم كلها حكمة وجمال
لو كان موقعش هاذ الشي ليكان
اوا كيف كيقولو الناس لقدام
الوقت ماكيرحمش أو لوقت بدال أو غذار
اوا هاذ شي لي جرا وهذا ماكان