بالواضح – طارق عمور
علمت “بالواضح” من مصادر مطلعة أن تعاونيات وجمعيات بعدد من مناطق المغرب راسلت عبد النبوي رئيس النيابة العامة باش تشكي ليه من شركة دايرا راسها منظمة ديال تفعيل المشاريع وكتقول في شكاية لي تتنشرها “بالواضح” انها تعرضت للنصب و الاحتيال. هاد ناس مشاو للقضاء والى حدود الساعة حتى شي اجراء مدار بحيث قالوا ان هاد المنظمة كتدعي مساعدة التعاونيات و الجمعيات فى مشاريع خاصة و تمويلهم ولكن ملي قدموا طلبات الاستفادة لي كان من بين شروطهم المساهمة بمبالغ مالية مهم بحيث في لائحة لي تتنشرها الجريدة وصلات القيمة الاجمالية للمساهمات ديال التعاونيات والجمعيات ما يقارب مليار سنتيم.
هاد مليار داتها الشركة بحسب شيكات لي تتنشرها “بالواضح” بلا متفعل حتى اتفاق هاد ناس قالو لينا انهم تفاجؤو بأخذ أموالهم الخاصة بدون اي مساعدة او تمويل للمشروع وملي تاصلوا بالمركز تم إخبارهم بعدد من الوعود ، وملي القضية وصلات للقضاء رجع هاد المركز الفلوس للناس ووقع على شيكات.
دبا هاد القضية تتبين ان التنمية فبلادنا مزال خصها شي ثورة حقيقية يقتلعوا مثل هاد ناس لي كيبثوا اليأس في صفوف المواطنين والفعاليات.