علمت جريدة “بالواضح” من مصادر مطلعة أن صراعا كبيرا يحتدم بين مدير ديوان وزير التعليم العالي عبد اللطيف ميراوي، وبين اطر ومدراء مركزيين بالوزارة، وصلت لحد تبادل الاتهامات.
وذكرت مصادرنا ان اتهامات يواجهها مدير الديوان المذكور والهضرة كادور فالوزارة غير على التعامل القاسي لي داير مع اطر الوزارة.
مصدر مطلع كشف أن مدير الديوان مزال ماتعينش، مزال معندوش سطاتي ديال هاد المنصب وتعطات ليه صلاحيات كبيرة، ورغم ذلك نوض الصداع وسط الاداريين، وبعض منهم قال لبالواضح :”كنعيشو الحكرة مع هاد السيد لي جاي بعقلية سلطوية والغريب انه سد الباب ديال التعامل المباشر بين أطر الادارة مع الوزير “.
والغريب حسب مصدر الموقع هو ان المدير واخا كفاءة، معارفش يدبر منصبو حيث كيتدخل بزاف فامور ادارية ومالية ماشي اختصاصو، زيد عليها مقدرش يواجه ولا ينبه ولد قيادي بارز فالبام (عضو المكتب السياسي لحزب الوزير) لي ديما غايب عن الاجتماعات والوزارة، وكذلك سوء تفاهم ديالو مع برلمانية سابقة عضو فالديوان.
التزيار غير على ولاد الشعب لي معندهم لا حزب يحميهم ولا هوما ولاد فلان وعلان من صحاب الشان، لأن هاد التزيار فايت الحكامة ووصل للتحكم، حسب مصدر معلوم في التعليم العالي. وهذشي ماشي فصالح الوزير.